+7 (777) 001 44 99
Қазақша
Русский
English
Ақтауда жүргізушіні ұстау кезінде туған жанжалдың мән-жайы анықталды. Полицейдер видеоны зерттеп, болған жайт туралы ақпарат берді, - деп хабарлайды Tengrinews.kz тілшісі Маңғыстау облысының Полиция департаментіне сілтеме жасап.
Полицейдер көлік жүргізушісін медициналық куәландыруға апарар кезде оның таныстары араласып, полицейлермен жанжал шығарған.
Жағдай реттелгеннен кейін жүргізушіге қатысты Әкімшілік құқық бұзушылық кодексінің 608-бабы бойынша әкімшілік хаттама толтырылды.
"Видеодағы барлық адам және өз әрекеті арқылы полицейлердің қызметтік міндетін орындауға кедергі жасаған жүргізушінің таныстары Әкімшілік құқық бұзушылық кодексінің 667-бабы бойынша әкімшілік жауапкершілікке тартылды", - делінген хабарламада.
Еске салайық, кеше, 3 шілдеде Ақтауда куәгерлер полицейлер мен әйел адамдардың жанжалын видеоға түсіріп алған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
