1. Басты
  2. Біл
  3. Жаңалықтар
  4. Ел жаңалықтары

Ақтауда саунаға барған 40-қа жуық адам ұсталды09 тамыз 2020, 14:07

Сурет: Маңғыстау облысы ПД баспасөз қызметі Сурет: Маңғыстау облысы ПД баспасөз қызметі

Ақтауда саунаға барған 40-қа жуық адам ұсталды, - деп хабарлайды Tengrinews.kz тілшісі Маңғыстау облысы ПД баспасөз қызметіне сілтеме жасап.

Өңір полициясының хабарлауынша, 8 тамызда түнгі сағат 23.00 шамасында криминалдық полиция басқармасының жедел уәкілдері арнайы жедел ден қою жасағының қызметкерлерімен бірлесіп, Ақтаудағы 22-шағын ауданындағы саунадан қырыққа жуық адамды ұстады.

Тексеру барысында полицейлер саунаның шектеулерге қарамастан жұмыс істегенін және 15 кабинаның бос еместігін анықтады. Карантин ережелерін бұзғандарға қатысты ҚР ӘҚБтК-нің 425-бабы бойынша әкімшілік хаттама толтырылды. Материал Маңғыстау облысының санитарлық-эпидемиологиялық қадағалау департаментіне жіберілді.

Маңғыстау облысы полиция департаментінің басшысы полиция генерал-майоры Жанарбек Бақтыбаев адамдарды карантин талаптарын бұзбауға, ережелерді қатаң сақтауға және жеке қорғаныс құралдарын қолдануға шақырады.

Қазақстан жаңалықтары. Соңғы жаңалықтар. Telegram желісінде бізге жазыл!