Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Ақтауда тоғыз жыл зорлық көрген жасөспірім қыз өз-өзіне қол жұмсады 01 қазан 2022, 08:50

Ақтауда туған ағалары ұзақ жыл бойы зорлаған жасөспірім қыз психологиялық жарақат алып, өз өмірін қиды. Бұл туралы Elitar.kz порталына қоғам
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

© elements.envato.com © elements.envato.com

Ақтауда туған ағалары ұзақ жыл бойы зорлаған жасөспірім қыз психологиялық жарақат алып, өз өмірін қиды. Бұл туралы Elitar.kz порталына қоғам белсендісі Жанна Ким айтты, - деп хабарлайды Tengrinews.kz тілшісі.

Қоғам белсендісінің айтуынша, қыз жетім, екі жасынан бастап екі тәтесімен және олардың отбасымен бірге әжесінің қолында өсіп, тәрбиеленген.

"1 маусымдағы жазбам есіңізде ме? Мен балаларды қорғау туралы жаздым. Екі жасында жетім қалған және әжесімен, екі тәтесімен, олардың отбасымен бірге тұрған қыз туралы жаздым. Жеті жасынан бастап оның екі ағасы зорлай бастаған, тоғыз жыл қатарынан зорланған. Ол шыдай алмай, тамырын кесе бастаған. Ол психикалық ауруханаға түсіп, дәрігерлерге айтты. Олар полиция шақырып, қылмыстық іс қозғады. Қыз балалар үйіне жіберілді, ал зорлаушылар соталды қамауға алынды. Кейін мен қызды қабылдайтын отбасы іздедім. Таптым...бірақ үлгермедік", - деді Ким.

Қоғам белсендісінің айтуынша, сот дәлелдемелердің жоқтығынан қылмыстық істі жауып тастағандықтан, тамызда ер адамдар босатылған.

"Сол кезде біз - қоғам қайраткерлері мен балалар омбудсмені - қызды Алматыға ауыстыруды талап ете бастадық. Мұнда оған қауіпсіз болар еді. Бірақ шенеуніктер қарсылық білдіріп, сол кезде ол өз қаласындағы тұрғын үй кезегінен алынып тасталатынын айтты", - деді Ким.

Әйел бала құқықтары жөніндегі уәкіл Аружан Саин Бас прокуратураға арыз жазғысы келетінін және қызды өз-өзіне қол жұмсау үшін кінәлілерді жауапқа тартуды талап ететінін айтты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram