+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Экология, геология және табиғи ресурстар министрлігінің баспасөз хатшысы Самал Ыбраева Ақтаудағы хайуанаттар бағындағы өлі жануардың видеосына пікір білдірді, - деп хабарлайды Tengrinews.kz тілшісі.
Экология, геология және табиғи ресурстар министрлігінің баспасөз хатшысы Самал Ыбраева Ақтаудағы хайуанаттар бағындағы өлі жануардың видеосына пікір білдірді, - деп хабарлайды Tengrinews.kz тілшісі.
"Оқиға орнына Маңғыстау облыстық орман шаруашылығы және жануарлар дүниесі аумақтық инспекциясының инспекторлары шықты. Тексеру қорытындысы бойынша жануарлардың өлім себебі туралы ақпарат қосымша хабарланады. Ақтауда болған бұл оқиға байланыс зообақтарды жабудың сәті келгенін дәлелдейді. Мен бұл туралы бұрын да айтқанмын, қазір де қайталаймын", - деді Самал Ыбраева.
Экология министрлігінің өкілі 2021 жылы "Жануарларға жауапкершілікпен қарау туралы" заң қабылданатынын еске салды.
"Онда жануарларға қатыгездік көрсеткендерге қатаң шаралар қарастырылған. Сондай-ақ, заң жобасында жануарларды ұстауға болатын зообақтардың қызметіне тыйым салу қарастырылған. Ал оған дейін жергілікті бақылаушы мемлекеттік органдарды хайуанаттар бағындағы осы хаосқа назар аударуға және қатаң шаралар қабылдауға шақырамын. Балаларға қандай тәрбие көрсетіліп жатыр? Мұндайға үнсіз қарауға болмайды", - деді Самал Ыбраева.
Еске салайық, бұған дейін Ақтаудағы хайуанаттар бағына барған адамдар өлі қояндарды видеоға түсірген болатын. Жануар қорғаушылар тасбақалар мен аламандар да торларда өліп қалғанын айтқан.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
