Ақтаудың 35 жастағы тұрғыны оныншы баласын күтіп отыр

Фото:instagram.com/aktau_akimat

35 жастағы ақтаулық әйел оныншы баласына жүкті. Балаларының ең үлкені 19 жаста, кішісі 9 айлық, - деп хабарлайды Tengrinews.kz тілшісі.

35 жастағы ақтаулық әйел оныншы баласына жүкті. Балаларының ең үлкені 19 жаста, кішісі 9 айлық, - деп хабарлайды Tengrinews.kz тілшісі.

Сәкен мен Гаухар Ешмұхановтар 2001 жылы отау құрған. Содан бері отбасында төрт ұлы мен бес қыз дүниеге келді. Олардың үлкені - 19 жаста, кішісі - 9 айлық. Ерлі-зайыпты егіздерді де, ұл мен қызды тәрбиелеп отыр. Қазір көпбалалы отбасы оныншы сәбиін күтіп отыр.

Гаухар Ешмұханова бос уақытында шығармашылықпен айналысады, мерекелік іс-шараларда ән айтады.

"Балаларды тәрбиелеуге, қарауға енем мен үлкен қыздарым көмектеседі. Олардың қолдауының арқасында мен өзіме уақыт табамын. Үлкендер кішілерін қарап, үй шаруасына көмектеседі", - дейді Гаухар Ешмұханова.

Еске салайық, тағы бір ерекше көпбалалы отбасы Түркістан облысында тұрады. Кентау тұрғыны Түймекүл Ергешқызы 18 баланы тәрбиелеп отыр.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!