+7 (777) 001 44 99
ПОДЕЛИТЬСЯ
Бір де бір шұңқыры жоқ асфальтты бүлдірген олардың әрекетін көлік жүргізушілерінің бірі таспаға түсіріп, әлеуметтік желіге жариялады, - деп хабарлайды КТК телеарнасы.
Бір де бір шұңқыры жоқ асфальтты бүлдірген олардың әрекетін көлік жүргізушілерінің бірі таспаға түсіріп, әлеуметтік желіге жариялады, - деп хабарлайды КТК телеарнасы.
"Батыс Еуропа-Батыс Қытай" халықаралық дәлізінің Ақтөбе облысына қарасты қырық шақырымындағы асфальтты қопарып тастапты. Жұрт ойығы жоқ жаңа жолдың кімге кедергі келтіргеніне түсінбей отыр. Әлеуметтік желіге бейнероликті жариялаған азамат Алексей Алексеев те бұл жөндеу жұмысын шенеуніктердің ақша жымқыру әрекетіне балайды. Ал, қырып тасталған жолды қайта жамауға республикалық қазынадан бақандай жеті жүз миллион теңге бөлінген. "Қазавтожол" компаниясындағылар әдеттегідей ақталды. Айтуларынша, алты жыл бұрын төселген асфальттың кем-кетігін кез-келген адам көре бермейді екен.
"Жолдағы ақаулар көзге көрінбейді. Оны біз зертханалық тексеру нәтижесінде анықтадық. Ойықтар пайда болған. Сондықтан жолды дер кезінде жөндемесек, ертең шұрық тесік болады", - дейді "Қазавтожол ҰК" АҚ Ақтөбе облысы бойынша филиалының бөлім басшысы Руслан Тәжманов.
