+7 (777) 001 44 99
Қазақша
Русский
English
Ақтөбе облысындағы салафиттердің саны - 1565, ал олардың 90-ға жуығы жиһадшы болуы мүмкін, - деп хабарлайды Aktobe News. Бұл туралы облыстық ҰҚК басшысы Нұрлан Қадырбаев ҚР премьер-министріне антитерролық штабтың отырысында хабарлады.
"Облыста болған терактіге адамдарды астыртын айдап салушыларды анықтау мақсатында жұмыстар жүргізіліп жатыр. Салафиттерді бақылауға көп күш кетеді. Өткен жылдан бері біз 32 салафиттің көзқарасын өзгерте алдық, алайда мұндай жұмыстарды жүргізу үшін сауатты дінтанушылар мен имамдар қажет. Жергілікті мамандарды дайындау керек", - деді Қадырбаев.
Оның айтуынша, Ақтөбе облысында 2015 жылдан бері ҰҚК қызметкерлері 14 радикалды топтың жұмысын тоқтатқан. Сонымен қатар, Қазақстан мен шет елдерде зорлық әрекеттерді жасауды жоспарлаған 36 адам қамауға алынды.
"Алдын алу әрекеттеріне мойынсұнбайтын адамдар мен қоғамға қарсы зорлық әрекеттерді ұйымдастырып жүргендерге біз күш қолданамыз", - деді ол.
