+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ақтөбеде 25 аула аумағы (39 көп қабатты үйдің ауласы) абаттандырылып жатыр. Есет батыр, Қалдаяқов көшелеріндегі көп қабатты үйлердің аула аумақтарын абаттандыру жұмыстары қазір аяқталу сатысында.
Ақтөбеде 25 аула аумағы (39 көп қабатты үйдің ауласы) абаттандырылып жатыр. Есет батыр, Қалдаяқов көшелеріндегі көп қабатты үйлердің аула аумақтарын абаттандыру жұмыстары қазір аяқталу сатысында.
Қала әкімі Азамат Бекет жұмыстар барысын барып қарап, тұрғындармен тілдесті, олардың абаттандыру шараларына қатысты ұсыныс-тілектерін ескеру керек деп мердігерге ескертті.
"Ауланың жабдықтарын орнатып, жарық шамдарын қойып, суағарларын салу, тротуар төсеу, асфальт төсеу, бәрі де сапалы жасалуы керек. Бұл үйлер 1990 жылдары салынған. Содан бері аулалары асфальтталмаған, абаттандыру жұмыстары жүргізілмеген. 30-40 жылда бірінші рет жөнделіп жатыр. Тұрғындардың барлық өтініш-тілектері ескерілуі керек. Жұмысты КСК, ОСИ төрағаларымен ақылдасып атқарыңыздар", - деді Азамат Бекет.
Есет батыр, 3,5,7 үйлердің аулаларында тұрғындар қала әкіміне жұмысты бірігіп бақылап жүргендерін айтты. Мердігер мекеме "Еңбек" ЖШС басшылығы енді асфальт төсеу және жарықтандыру қалып тұрғанын жеткізді. Алдағы екі аптада аяқтап үлгереміз деп уәде берді.
"Біз биыл 25 аула аумағын (39 үйдің ауласы) жөндеуді міндетімізге алдық. Көп жерде қолданылмайтын технологияны қолданып, асфальт берік болуы үшін аулаға геосетка төсеп жатырмыз.
Дәл қазір Есет батыр көшесігдегі #3,5,7 үйлердің аулаларында тұрмыз. Тротуар, шойын қақпақтары бар суағарлар салдық, енді асфальт төсейміз, жарық жүргіземіз және аулаға орындықтар, қоқыс жәшіктерін орнатып қоятын боламыз", - деді "Еңбек" ЖШС учаске басшысы Бақдәулет Сейдуалиев.
