Алакөл көлінде шомылуға тыйым салынған жерде әйел адам суға кетті, деп хабарлайды Tengrinews.kz тілшісі YK-news.kz басылымына сілтеме жасап.
1 шілдеде жағалау сызығын патрульдеу кезінде әскери қызметшілер жағадан шамамен 50 метр жерде екі адамның суға батып бара жатқанын көрген. Әскерилер мен басқа да куәгерлер көмекке ұмтылды. Суға батқандар 1991 жылы туған әйел мен оның 2012 жылы туған қызы екені белгілі болды.
"Оларды жағадан алыстатып әкеткен. Кәмелетке толмаған баланы құтқару мүмкін болды. Өкінішке қарай, әйел адам көз жұмды. Оқиға орнына жеткен жедел жәрдем қызметкерлері оның өлімін тіркеді", - деп хабарлады Абай облыстық ТЖД.
Абай облысының ТЖД өңір тұрғындары мен қонақтарын судағы қауіпсіздік ережелерін қатаң сақтауға шақырды.