Синоптиктер 2016 жылдың 12-14 шілде күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Синоптиктердің мәліметінше, Қазақстан арқылы көшіп жатқан атмосфералық фронт облыстарымыздың басым бөлігінде найзағайлы, өткінші жауын шақырады.
"Күндіз жекелеген аудандарда бұршақ, оңтүстік және оңтүстік-шығыста шілденің 14 күні өткінші жаңбыр күтіледі. Алайда, аптап ыстық сақталып, күндізгі ауаның температурасы 30-38 градусқа жоғарылап, оңтүстік және оңтүстік-шығыстың кей жерлерінде температура 40-43 градусқа дейін жетеді", - деді мамандар.
