Алдағы күндері ауа райы қандай болады?

Синоптиктер 2, 3 және 4 шілдеге арналған ауа райы болжамын ұсынды, - деп хабарлайды Tengrinews.kz тілшісі.

Қазгидромет мәліметінше, республиканың басым бөлігінде ауа райына оңтүстік циклон әсер етіп, найзағай ойнап, жаңбыр жауады.

"2 шілдеде батыста, 3 шілдеде солтүстік-батыста, 4 шілдеде республиканың оңтүстігінде, орталығында жаңбыр жауады, сондай-ақ бұршақ жауып, жел күшейеді. Қазақстанның барлық аумағында салқын ауа райы сақталады", - делінген хабарламада.

Еске салайық, бұған дейін "Қазгидромет" РМК синоптиктері шілдеге арналған ауа райы болжамын ұсынған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!