+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алдағы тәуліктерде еліміздің басым бөлігінде жел күшейеді. Бұл туралы Тengrinews.kz тілшісі "Қазгидромет" кәсіпорнының мәліметтеріне сүйеніп хабарлайды.
Алдағы тәуліктерде еліміздің басым бөлігінде жел күшейеді. Бұл туралы Тengrinews.kz тілшісі "Қазгидромет" кәсіпорнының мәліметтеріне сүйеніп хабарлайды.
30 наурыз күні Қазақстан аумағының көп бөлігінде ауа райы тұрақсыз болады деп күтілуде, жекелеген аудандарда жауын-шашын болып, жел күшейеді, тұман түсіп, көктайғақ болады.
Алматы облысындағы Жалаңашкөл көлі аумағында екпіні 25 м/с-ке жететін жел соғады. Маңғыстау облысында 17-22 м/с, таңертең және күндіз 25 м/с жел болады, Солтүстік Қазақстан облысында жел 15-20 м/с-ке, кей жерлерде 25 м/с-ке дейін күшейеді. Қызылорда, Қарағанды, Шығыс Қазақстан, Павлодар, Ақмола, Жамбыл, Атырау, Ақтөбе, Батыс Қазақстан облыстарында да 15-20 м/с жел соғады. Еліміздің батыс өңірлерінде және Ақмола, Жамбыл облыстарында тұман түседі.
31 наурызда республиканың басым бөлігінде күн желді болады. "Каспий теңізі үстінде қалыптасқан циклон Қазақстанның батыс, орталық және солтүстік облыстары арқылы Батыс Сібірге қарай жылжиды. Сол циклонның әсерінен кей жерлерде жауын-шашын, көктайғақ, тұман болып, 15-20 м/с екпінді жел соғады, республиканың батысы мен солтүстігінде батыстан соққан желдің екпіні 18-23 м/с-ке дейін күшейеді, кей жерлерде жел екпіні 28 м/с-ке жетеді. Циклонмен байланысты атмосфералық таралымдардың әсерінен 31 наурызда оңтүстікте, оңтүстік-шығыста және шығыста күн бұлыңғыр, жауын-шашынды болуы ықтимал, шығыста жаңбыр қарға ұласады. Бірақ тропосферада Иран аудандарынан, оңтүстік-батыстан ауа массалары ауысатындықтан, республикада температура көпжылдық орташа мөлшерге жақын болады, оңтүстікте және шығыста орташа мөлшерден 5-10 градусқа жоғары болады", - делінген "Қазгидрометтің" хабарламасында.
