+7 (777) 001 44 99
Қазақша
Русский
English
Алдағы үш күн ішінде (24-26 шілде) оңтүстіктегі аптап пен солтүстіктегі жаңбыр сақталады, деп хабарлайды Tengrinews.kz тілшісі "Қазгидрометке" сілтеме жасап.
"Қазақстанның оңтүстігі мен батысында жаздың осы мезгілінде, құрғақшылық пен аптап ыстықтың болатыны - әдеттегі жағдай. Бұл жерлерде күндізгі ауаның қызуы +30…+38º-қа дейін барады. Алайда еліміздің солтүстігінде ауа райы мүлдем басқаша – жаңбыр, нөсер, күндізгі температура +15…+23º-тан аспайды. Бұл - осы кезеңдегі температурадан 3…8º-қа төмен. Жаз адасып қалғанға ұқсайды", - делінген "Қазгидрометтің" сайтында жарияланған хабарламада.
Алдағы үш тәулік ішінде тұтас алғанда Қазақстанның аумағында ауа райы өзгермейді - солтүстікте бұрынғысынша жаңбырлы әрі салқын, ал қалған аумақтарда құрғақ әрі ыстық болады.
