+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қаладағы Ұлттық теннис орталығында жастар арасындағы әлем чемпионатына іріктеу бойынша Дэвис кубогы кезеңінің ұлдар арасындағы сайыстың ашылу рәсімі өтті. Junior Davis Cup Азия/Океания аймағының іріктеу сайысына 16 жасқа дейінгі аталған аймақтың ең мықты жасөспірімдері бақ сынайды.
Қаладағы Ұлттық теннис орталығында жастар арасындағы әлем чемпионатына іріктеу бойынша Дэвис кубогы кезеңінің ұлдар арасындағы сайыстың ашылу рәсімі өтті. Junior Davis Cup Азия/Океания аймағының іріктеу сайысына 16 жасқа дейінгі аталған аймақтың ең мықты жасөспірімдері бақ сынайды.
Шымкент қаласының әкімі Ғабит Сыздықбеков, Қазақстан Республикасының Теннис федерациясының вице-президенті Диас Досқараев іс-шарада барша қатысушыларға сәттілік тілеп, сайыстың маңызы жоғары екенін атап өтті.
"Шымкент қаласына қош келдіңіздер. Әлем чемпионатына іріктеу сайысы биыл қаламызда екінші рет ұйымдастырылып отыр. Бұл – бізге артылған зор сенім. Шаһарда үлкен теннис спортын дамытуда жүйелі жұмыстар атқарылып жатыр. Осы орайда халықаралық теннис федерациясына, Қазақстан Республикасының Теннис федерациясына және демеушілерге алғысымды білдіремін!", – деді қала әкімі Ғабит Сыздықбеков.
Қазақстан Республикасының Теннис федерациясының вице-президенті Диас Досқараев барша ұйымдастырушыларға рақметін жеткізді.
Теннистен жасөспірімдер арасындағы әлем чемпионатына іріктеу Шымкент қаласында екінші рет өтіп жатыр. Жасөспірім ұлдар арасындағы іріктеу сайысына Қазақстан, Аустралия, Қытай, Гонконг, Үндістан, Индонезия, Жапония, Оңтүстік Корея, Жаңа Зеландия, Таиланд, Вьетнам командалары қатысып жатыр.
Аталған турнирде Алматы және Шымкент қаласы, Түркістан облысының спортшылары ел намысын қорғайды.
