+7 (777) 001 44 99
Қазақша
Русский
English
Әлемдік нарықта мұнай бағасы төмендеді, Brent маркалы мұнай бағасы бір барреліне 65 доллардан төмендеді, - деп хабарлайды Tengrinews.kz тілшісі.
Лондондағы ICE биржасында Brent маркалы мұнайдың тамыздағы фьючерстерінің бағасы Астана уақытымен сағат 08:50-де 1,3 пайызға төмендеп, бір барреліне 64,78 доллар болды.
WTI маркалы мұнайдың шілдедегі фьючерстері 1,09 пайызға арзандап, бір баррель үшін 62,72 доллар болды.
Мұнай бағасына әсер еткен себептер
АҚШ-та бензин мен дистиллят қорының күтпеген жерден айтарлықтай өскені белгілі болды. Бұл әлемдегі ең ірі экономиканың мұнайға деген сұранысының әлсірегенін көрсетеді. Мәселен, Оклахома штатындағы Кушинг жеткізу терминалында қор 576 мың баррельге артты. Қайта өңделген жанармай түрлерінің арасында бензин қоры 5,219 миллион баррельге, ал дистиллят қоры 4,23 мың баррельге өсті – бұл көрсеткіштер сарапшылардың болжамынан әлдеқайда жоғары.
Мұнай бағасына қосымша қысым Сауд Арабиясының Азия елдері үшін мұнайдың ресми бағасын төмендетуінен де туындады. Сауд Арабиясының мемлекеттік мұнай компаниясы Aramco шілдеде Азияға жеткізілетін флагмандық Arab Light мұнайының ресми сату бағасын бір баррель үшін 1,20 долларға дейін түсірді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
