Алматы мектептерінде соңғы қоңырау соғылды

Мөлдір Қалықова

2018 жылы Алматыда 9 130 түлек мектеп бітіріп жатыр. Бүгін қала мектептерінде соңғы қоңырау соғылды, - деп хабарлайды Tengrinews.kz тілшісі.

2018 жылы Алматыда 9 130 түлек мектеп бітіріп жатыр. Бүгін қала мектептерінде соңғы қоңырау соғылды, - деп хабарлайды Tengrinews.kz тілшісі.

Қала әкімі Бауыржан Байбек № 148 мектептің іс-шарасына қатысты. Былтыр бұл мектеп ҰБТ қорытындысы бойынша жоғары нәтиже көрсеткен еді.

Биыл бұл мектепті 75 түлек аяқтап жатыр. Былтыр ҰБТ бойынша түлектердің орташа баллы 93балл болды.

"Соңғы қоңырау - қатты қобалжитын сәт. Осы балалар 11 жыл бұрын мектеп табалдырығын аттады. (...) Бүгін біз түлектердің қуанышына куә болып тұрмыз. Олардың әлі өте жоғары нәтиже көрсететініне сенімдіміз (...) ", - деді Байбек.

Сондай-ақ, қала басшысы Алматының білім, ғылым және мәдениет орталығы болып қала беретінін айтып өтті. Соңғы алты жылда Алматы ҰБТ қорытындысы бойынша жоғары нәтижелер көрсетіп келеді.