Алматы орталығындағы бірнеше көшелердің бөлігі уақытша шектеледі, - деп хабарлайды Tengrinews.kz тілшісі "Алматы Жолдары" ЖШС баспасөз қызметіне сілтеме жасап.
Жолдар 23 шілде 22:00 және 24 шілде 06:00-ге дейін жабылады.
"Жол жөндеу жұмыстарына байланысты Мақатаев көшесіндегі Мұқанов көшесінен Байтұрсынов көшесіне дейінгі учаске жабылады. Сондай-ақ, Абылай хан даңғылында Мақатаев көшесінен Мәметова көшесіне дейінгі учаске жабылады", - деп хабарлады компанияның баспасөз қызметі.
"Алматы Жолдары" ЖШС автоәуесқойлар өз маршрутын алдын ала жоспарлауын сұрайды. "ПСФ Алонс" ЖШС мердігерлік ұйымы уақытша қолайсыздықтар үшін кешірім сұрайды.
