+7 (777) 001 44 99
Қазақша
Русский
English
Алматыда мектеп түлектерінің кортежі видеоға түсірілді, - деп хабарлайды Tengrinews.kz тілшісі. Видеодан жастардың әл-Фараби даңғылымен келе жатқаны көрінеді, кейбіреулері тіпті көліктің терезесінде отырған. Кортежде көк лента мен ақ бантик таққан қыздар мен ак түсті жейде киген ұлдар бар.
Куәгерлердің айтуынша, оқиға шамамен сағат 12.00-де болған. Ал видео әл-Фараби даңғылының бойында Жароков көшесімен қиылысар жерге жетпей түсірілген.
"Алдында лимузин келе жатты, артынан тағы бір машина бар", - дейді куәгер. Оның айтуынша, көліктер Фурманов көшесіне қарай бара жатқан.
Tengrinews.kz тілшісі осы оқиға бойынша Алматы қалалық ІІД өкілдеріне хабарласты.
