+7 (777) 001 44 99
Қазақша
Русский
English
Алматыда Ауғанстан азаматтары жалған құжатпен ұсталды, - деп хабарлайды Tengrinews.kz тілшісі ҚР ҰҚК Шекара қызметінің баспасөз қызметіне сілтеме жасап. Ұсталған үш азаматтың қолында Ұлыбритания азаматының құжаттары болған.
"Алматы әуежайындағы "Алматы" өткізу-бақылау бекетінде, "Дубай - Алматы" FZ-701 рейсінде Ұлыбританияның үш азаматы ұсталды. Азаматтардың құжаттарын тексеру барысында Ауғанстан Ислам Республикасы азаматының куәлігі мен Пәкістан Республикасы қауіпсіздік карталары табылды", - деп жазылған ҚР ҰҚК ШҚ баспасөз хабарламасында.
Тексеріс кезінде азаматтардың Ауғанстан Ислам Республикасынан Ауғанстан азаматы құжатымен Дубайға ұшып барғаны анықталды.
"Дубайда белгісіз адамнан Ұлыбритания азаматының құжатын алған. Кейін оны Қазақстан шекарасын кесіп өтуге пайдаланған. Олар Қазақстан арқылы Еуропаға кетпек болған", - деп жазылған хабарламада. Баспасөз қызметінің мәліметінше, азаматтар Дубайға жіберіледі.
