Алматыда жарысқан автобустар туралы видео жарияланды

Алматы тұрғындары автобустардың жарысып жүргеніне тағы да куә болды, - деп хабарлайды Tengrinews.kz тілшісі. №63 бағытында жүретін автобустардың жарысын оқиғаның куәгері видеоға түсіріп алған. 

Куәгердің айтуынша, оқиға 7 ақпанда шамамен сағат 09.00-де болған. Автобустар Фурманов көшесінің оңтүстікке қарай бет алған. Соған қарағанда, бір бағытта жүретін автобустар уақыт интервалын сақтамай, Гоголь көшесіне жақындағанда бірін-бірі қыса бастаған. Куәгердің айтуынша, екі автобустың салоны жолаушыларға толы болған. 

"Қала орталығында сұмдық болды. Бұл таңғы уақытта болды, тура қауырт кезде автобустардың іші толы болған сәт. Онда балалар мен қарт кісілердің болғаны анық. Бұл жүргізушілердің не ойлағаны бар осы, ережені қатаң бұзып, жолаушылардың өмірін қауіп қатерге тігеді! Полицейлер осы жағдайға байланысты жүргізуші мен автопарк басшылығына шара қолданады деген сенімдемін. Барлығын анықтап, шара қолдансын, себебі олар адам өміріне қауіп төндіреді", - деп жазды видеоның авторы. 

Еске салайық, 2016 жылы 10 қарашада Алматыда жарысқан № 106 бағыттағы екі автобус жол ережесін өрескел бұзды. Оқиға, куәгердің айтуынша, 10 қарашада сағат шамамен 12.30-да Абай даңғылында болған. Автобустар батыс бағытта Сайын көшесінен Момышұлы көшесіне қарай жүріп бара жатқан.