+7 (777) 001 44 99
Қазақша
Русский
English
Алматыда жылу беру маусымы 8 сәуірде аяқталады деп жоспарланып отыр. Бұл туралы Tengrinews.kz тілшісіне Алматы қаласы энергетика және коммуналдық шаруашылық басқармасы басшысының орынбасары Ғанибек Оразбаев мәлім етті.
"Қазір күндіз шамамен 20 градус жылы, бұл көрсеткіш сосын сәл төмендейді, одан кейін қайтадан температура жоғарылайды. 1-2 сәуірде тәулік бойы орташа ауа температурасы 8 градустан төмен болады деп болжануды, оның үстіне түнде температура 1-6, 3-8 градусқа дейін барады. Егер жылу беру маусымын қазір тоқтататын болсақ, онда балабақшаларда суық болады. Бейресми ақпарат бойынша, 8 сәуірден бастап ауа температурасы қалыпты болады, шамамен 18-20 градус",- деді Оразбаев.
Еске сала кетейік, жылу беру маусымы Алматыда 15 қазанда басталған болатын. Ал Астанада жылу жоспарланған мерзімнен ерте - 27 қыркүйекте берілген болатын.
