+7 (777) 001 44 99
Қазақша
Русский
English
Қазақша
Русский
English
Алматы әкімі Бауыржан Байбек Орталық коммуникациялар қызметі алаңында "100 нақты қадам" бағдарламасы бойынша есеп берді, - деп хабарлайды Tengrinews.kz тілшісі.
Қала басшысы өз орынбасарлары туралы айта отырып, олардың жұмыс тәжірибелерін де тілге тиек етті. "Әкімнің орынбасары Тауфиков Президент протоколының шефі, Әукенов - Болашақ бағдарламасының түлегі, бірнеше ұлттық компанияда қызмет етті. Бұған дейін СҚО әкімінің орынбасары қызметін атқарып келді. Қазіргі уақытта ол өз тәжірибесін Алматы қаласын дамытуға пайдаланып жатыр. Қырықбаев министрлікте жұмыс істеді, қазір Алматы қаласы әкімдігінде білім беру және денсаулық сақтау мәселелерімен айналысады. Жүнісова қаржы жөніндегі орынбасар, Оңтүстік Қазақстан облысында, сонымен қатар Президент Әкімшілігінде жұмыс істеді. Яғни, әкімнің орынбасары қызметіндегілер - өте үлкен тәжірибесі бар мамандар", - деді Байбек.
"Қандай жағдай болмасын, кадрлар ауысуы керек. Кейбірі басқа қызметке ауысуды өзі сұрайды. Қазір басшылық қызметіндегілердің жасына қойылған шектеу 50 жастан 45-ке түсірілді", - деді ол.
Сонымен қатар, Байбек Алматы әкімдігі құрылымын қайда құрылымдалатынын айтты. Мысалы, Жолаушылар транспорты басқармасы мен Автомобиль жолдары басқармасы біріктіріледі. Оның пікірінше, кәсіби аппарат ықшам болуы тиіс. Сонымен қатар, тағы бірнеше басқарма оптимизацияланады.
Децентрализация аясында жұмыссыз қалған кадрлар аудандарға беріледі. Мысалы, өткен жылдың тамыз айынан бері аппарат 11,5 пайызға, ал басшылық құрам 50 пайызға жаңарған.
