+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"Алматыдағы метрополитен басшылығы өздерінің туыстарын сүйемелдеуде" деген ақпаратты тексерумен арнайы комиссия айналысады, - деп хабарлайды Tengrinews.kz тілшісі Алматы әкімінің баспасөз қызметі басшысының міндетін атқарушы Данияр Сиқымбаевқа сілтеме жасап.
"Алматыдағы метрополитен басшылығы өздерінің туыстарын сүйемелдеуде" деген ақпаратты тексерумен арнайы комиссия айналысады, - деп хабарлайды Tengrinews.kz тілшісі Алматы әкімінің баспасөз қызметі басшысының міндетін атқарушы Данияр Сиқымбаевқа сілтеме жасап.
"Алматы әкімі Ахметжан Есімовтің тапсыруымен арнайы комиссия құрылды. Олар "Метрополитен" ҚМК жұмысшылары кәсіподағының төрағасы Мұхтар Үмбетқұловтың хатында баяндалған ақпараттардың анық-қанығын анықтайтын болады. Тексеру нәтижелері бойынша метрополитен қызметкерлеріне қатысты барлық қажетті заңды шаралар қолданылады", - деп мәлімдеді Сиқымбаев.
Естеріңізге сала кетейік, Мұхтар Үмбетқұловтың "Нұр Отан" партиясы төрағасының бірінші орынбасары Бауыржан Байбектің, Еңбек және халықты әлеуметтік қорғау министрі Тамара Дүйсенованың және Алматы әкімі Ахметжан Есімовтің атына жолдаған хатында "Алматы метросының басшысы Қуат Мұсабеков өз туыстарын сүйемелдеп және біліксіздік танытып, ҚР заңдарын бұзып отыр" деп айтылған болатын.
Хатта Алматы метросының директоры өзінің үлкен ұлын станса кезекшісі қызметінен пойыз диспетчері лауазымына ауыстырды деп көрсетілген. Сонымен қатар, Алматы метросының қызметкерлері "Мұсабеков қоқан-лоқы жасау арқылы біліктіліктері жоғары бірнеше маманды кездейсоқ адамдарға ауыстырды" - деп айыптаған.
