Алматыда халықаралық әуежайға "мина қойылды" деген хабарлама түсті, - деп хабарлайды Tengrinews.kz тілшісі қалалық Полиция департаменті баспасөз қызметіне сілтеме жасап.
"FORUM сауда орталығы бойынша ақпарат расталмады. Ол қалыпты жұмыс істеп тұр. Қазір Алматы халықаралық әуежайына "мина қойылғаны" туралы хабарламаларды тексеруге қалалық төтенше жағдайлар қызметі жұмылдырылған", - деді полиция өкілдері.
Бұған дейін Алматыдағы FORUM сауда орталығынан адамдар эвакуацияланғаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
