+7 (777) 001 44 99
Қазақша
Русский
English
Алматы әуежайынан ПТР-анықтамасыз келген Өзбекстанның төрт азаматты депортацияланды, - деп хабарлайды Tengrinews.kz тілшісі санитарлық-эпидемиологиялық бақылау комитетіне сілтеме жасап.
2021 жылдың 24 сәуірінде Қазақстан Республикасының аумағына Германия, Мальдив Республикасы, БАӘ, Мысыр, Түркия, Грузия, Украина, Ресей Федерациясы, Беларусь Республикасы, Өзбекстан және Қырғызстаннан 33 халықаралық әуе рейсі келген.
Өткен тәулікте елге 5 126 жолаушы келген. Оның ішінде:
- Алматы қаласының әуежайына - 19 рейс, 3 078 жолаушы;
- Нұр-Сұлтан қаласының әуежайына - 7 рейс, 918 жолаушы;
- Шымкент қаласының әуежайына - 5 рейс, 757 жолаушы;
- Ақтау қаласының әуежайына - 1 рейс, 150 жолаушы;
- Қостанай қаласының әуежайына - 1 рейс, 223 жолаушы.
Сонымен қатар, 2021 жылдың 24 сәуірінде Ош-Алматы рейсімен ПТР-анықтамасыз ұшып келген төрт Өзбекстан азаматы Алматы қаласының әуежайынан депортацияланған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
