Алматы-Жаркент тасжолында асфальттың қопарылып жатқаны видеоға түсірілді, - деп хабарлайды Tengrinews.kz тілшісі.
Әлеуметтік желіде жолдың бір бөлігінде асфальт қопарылып жатқаны түсірілген видео пайда болды. Бейнежазба авторы: "Олар ақшаны не үшін алып жатыр?" деген сұрақты қойып, ашуын білдірді.
"Міне, біздің Алматы-Жаркент тасжолы. Не болып жатқанын қараңыз! Жігіттер мұны байқамағанда қаншама көлік апаты болар еді? Біздің жолшылар қайда, бізден ақша алатын "ҚазАвтоЖол" қайда?", - деп ашуланды видео авторы.
"ҚазАвтоЖол" ұлттық компаниясының баспасөз қызметі жол толықтай жөнделіп, қауіпсіз жол жүру қамтамасыз етілген деп сендірді.
"8 маусымда шамамен сағат 20:25-те оңтүстік бағытта 190-шақырымда жолдың цемент-бетон жабынының қопарылғаны байқалды. Жол жұмысшылары жедел жөндеу жұмыстарын жүргізді. Жолда қауіпсіз жүру қамтамасыз етілді", - деді компанияның баспасөз қызметі өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
