+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы маңындағы 20 мыңнан аса тұрғыны бар Асыл Арман шағынауданының балалары жақын маңдағы ауылдарда үш ауысыммен оқуға мәжбүр. Шағынауданда әлі мектеп салынбаған. Құрылыс жұмыстары жер қазу сатысынан тоқтап қалған, - деп хабарлайды Tengrinews.kz тілшісі "Хабар 24"-ке сілтеме жасап.
Алматы маңындағы 20 мыңнан аса тұрғыны бар Асыл Арман шағынауданының балалары жақын маңдағы ауылдарда үш ауысыммен оқуға мәжбүр. Шағынауданда әлі мектеп салынбаған. Құрылыс жұмыстары жер қазу сатысынан тоқтап қалған, - деп хабарлайды Tengrinews.kz тілшісі "Хабар 24"-ке сілтеме жасап.
Халық жақын арада билік қазіргі жағдайды өзгертетінінен үміт үзген.
"Асыл Арман" ТК - еліміздің ең ірі қаласының маңында орналасқан көп қабатты үйлер. Соған қарамастан, әкімшілік тарапынан ол Алматы облысы Қарасай ауданының Іргелі ауылдық округіне қарайды. Шағынаудан 10 жыл бұрын салына бастаған, екінші кезегі 2015 жылы пайдалануға берілген. Ондағы халық саны да артып келе жатыр, бірақ осы жылдар ішінде мұнда мектеп пен бірде-бір балабақша салынбаған.
"Балалар үш ауысыммен Кемертоған және Іргелі ауылдарында оқиды. Олар үйге кеш келеді немесе қалаға оқуға автобуспен қатынайды. Кептеліс қандай екенін өздеріңіз де білесіздер. Үйге келгенде, ештеңеге әлі болмайды. Балаларыммен сөйлескенде, олар түрлі секцияларға әлі жоғын айтып, шағымданады. Олар осылай оқуға мәжбүр. Кемертоған тұрғындары да мектептерде бала саны асып кеткеніне шағымданады", - деді Асыл Арман шағынауданының тұрғыны Сәния Нұрхайдарова.
Жақын маңдағы Кемертоған ауылында орналасқан мектепке дейін 3 шақырым жол бар. Бұл - типтік үлгідегі мектеп және 1200 оқушыға арналған. Оқу орны директорының айтуынша, мұнда 3835 бала оқиды. Оқушылар бала саны асып кеткен сыныптарда үш ауысыммен оқиды. Бұл ретте "Асыл Арман" ТК-нен 300-ден аса оқушы оқу орнына жаяу жетеді. 600-ден аса баланы мектеп автобустары алып келеді. Бұл жерде де күрделі проблемалар туындайды.
"Ай сайын 15 мыңнан төлейміз. Бірақ бізге келесі айдан бастап 20 мыңнан екенін айтты, өйткені көптеген адамға бұл тиімсіз екен. Ойланып көріңізші. Бала ыңғайлы барып-келуі үшін 20 мың төлейміз. Кемертоғанда тегін автобус бар. Бірақ бала көп! Автобустың сыртына шығып жатады деуге болады. Болмайды ғой олай! Мысалы, осы аптада балаларды тасып жүрген автобус жүргізушісі жұмысқа шықпай қалды. Өйткені ол жалақыға қанағаттанбайды. Төмен жалақы. Тегін автобуспен жүрген балалар осының кесірінен үйден онлайн оқиды. Онлайн оқу қандай болуы мүмкін? Одан қандай білім алуға болады? Түсінбеймін", - дейді Айжамал Османова.
Жергілікті тұрғындар облыс әкімдігінен бастап барлық құзырлы органға бірнеше рет жүгінген. Былтыр Қарасай ауданы әкімшілігінің басшысы мектеп құрылысын 2023 жылы 1 қаңтарда бастауға уәде берген. Бірақ нысанның жоспары мен оны тапсыратын мерзімі әлі айтылмаған.
"Былтыр осы жерде 1200 орындық мектеп салына бастады. Олар аумақты қоршап, жер қазып үлгерді. Содан кейін барлық жұмыс тоқтатылды. Себебі құрылыс материалдарының бағасы өсіп кетті. Мердігер компанияның басшылығы осылай деді", - делінген хабарламада.
Жұрт құрылыстың жоспары болмаса, жұмыс бірнеше жылға созылуы мүмкін деп қорқады. Жергілікті әкімдік тарапынан да нақты ештеңе айтылмаған.
"Өздеріңіз білетіндей, құрылыс материалдары 2-3 есе қымбаттап кетті. Сондықтан жоба қазір қайта есептеліп жатыр, құрылыс тоқтап қалды. Жоба қайта есептелгеннен кейін құрылыс басталады", - деді Іргелі ауылдық округі әкімінің орынбасары Өміржан Апсаматов.
Ал тұрғын үй кешенінің тұрғындары қазірдің өзінде пәтерлерін жалға беріп, балаларға жағдай жасалған қалаға көшуді жоспарлап отыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
