+7 (777) 001 44 99
Қазақша
Русский
English
Қазақша
Русский
English
Жолшылар Алматы облысында ҮАААЖ-ға дейін көшелерді ұзартуға қатысты жағдайды айтты, - деп хабарлайды Tengrinews.kz тілшісі.
Қазір Үлкен Алматы айналма авто жолына қарай алты бағыт салынып жатыр. Олардың қатарында Абай, Рысқұлов даңғылдары, сондай-ақ Сайын, Ақын Сара, Тілендиев көшелері мен Солтүстік жартылай шеңбер бар.
"Бүгінде алты жолдың бесеуінде құрылыс-монтаж жұмыстары жүргізіліп жатыр:
- Абай даңғылы бойынша ҮАААЖ бен Ақсай өзені арқылы өтетін көпірлердің құрылысы 70 пайызға, жер жұмыстарының 40 пайызы (1,2 шақырым) орындалды;
- Рысқұлов даңғылы бойынша ҮАААЖ арқылы өтетін эстакада жұмысының 70 пайызы және жер жұмыстарының 30 пайызы (1 шақырым) орындалды;
- Сайын көшесінде 30 пайызға темір жолдан өтетін көпір салынып, 4,5 шақырым асфальтбетон жабындысы төселді;
- Тілендиев көшесі бойында жер жұмыстары, су құбырлары мен жасанды құрылымдарды орнату (сегіз дана) жүргізіліп жатыр;
- Солтүстік жартылай сақина бойымен ҮАААЖ арқылы өтетін эстакада құрылысы жұмыстарының 60 пайызы аяқталып, 2,5 шақырым асфальт төселді;
- Ақын Сара көшесі бойынша биыл ақпанда жобалық-сметалық құжаттамаға мемлекеттік сараптаманың оң қорытындысы алынды", - деді облыс әкімдігі өкілдері.
Фото ИИДМ Жол комитетінен алынған
Қаражат бөлу барысына байланысты нысандарды аяқтау мерзімі 2024 жылдың желтоқсанына немесе 2025 жылдың басына жоспарланғаны атап өтілді.
"Көлік қозғалысын айтарлықтай азайтатын және жаңадан салынған магистральдарға, атап айтқанда, Абай, Рысқұлов даңғылдары, Сайын, Тілендиев, Ақын Сара және Солтүстік жартылай сақина қаланың басты көшелеріне шығатын жаңа радиал жолдардың құрылысы Алматы облысы мен Алматы қаласы көлік жүйесін дамытудың маңызды жобасы болып табылады", - деп қосты облыс әкімдігі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
