+7 (777) 001 44 99
Қазақша
Русский
English
Қазақша
Русский
English
Алматы облысының әкімдігі мемлекеттік сатып алу арқылы жарты миллион теңгеге алынған AirPods құлаққаптары туралы ақпаратты түсіндірі. Бұған дейін әлеуметтік желілерде бірқатар ерекше лот туралы ақпарат пайда болды, - деп хабарлайды Tengrinews.kz тілшісі.
PROTENGE Telegram-арнасы Алматы облысында екі жыл қатарынан Apple компаниясының қымбат сымсыз гарнитурасы сатып алынғаны туралы ақпарат жариялады. Тапсырыс беруші - Алматы облыстық ішкі саясат басқармасы.
"Талдықорғанда екінші жыл қатарынан бюджет қаражатынан Apple компаниясының AirPods құлаққаптары сатып алынған. Төрт жұп құлаққапқа миллион теңгеден аса ақша жұмсалған. Ақша Ішкі саясат бөлімі мен Рухани Жаңғырудың кеңсесі арқылы жұмсалды. Қалай? Жарты миллион теңгеге төрт жұп құлаққап ішкі саясатты нығайтуға немесе рухани құндылықтарды жандандыруға әсер етуі мүмкін бе?" - деп жазды басылым авторлары.
Алматы облысы әкімдігі мәліметінше, әлеуметтік желілерде жарияланған ақпарат шындыққа сай келмейді. Шындығында шенеуніктер бір құлаққапты 97 мың теңгеге сатып алған. Гарнитура республикалық турнирдің жеңімпазына арналған.
"Алматы облысы бойынша "Рухани жаңғыру" жобалық кеңсесі" ЖШС ұйымдастыруымен 2020 жылғы 17-18 шілдеде Жетісу өңіріндегі жастардың ақпараттық және цифрлық технологиялар саласындағы шеберлікті шыңдау, ішкі туризімнің дамуына қолдау көрсету мақсатында Алматы облысы Ескелді ауданындағы Текесу демалыс орнында республикалық Jetisy dron jarysy атты дрондар жарысы өткізілді. Жарыс қорытындысына сәйкес DJI санаты бойынша 3-орынға 97996 теңге көлемінде (ИП Тұрар Насенов) 1 дана құлаққап табыс етілді", - делінген хабаралмада.
Сондай-ақ, жарыс жеңімпазы дрон, ал екінші орын алған жеңімпаз смартфон ұтып алған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
