Алматы облысында базар өртенді, - деп хабарлайды Tengrinews.kz тілшісі.
Алматы облысының Төтенше жағдайлар департаменті 7 сәуірде түнгі сағат 2:00-де Талғар қаласы Әйтеке би көшесінің бойындағы базар аумағындағы сауда орындарында (контейнер түрі) өрт шыққанын хабарлады. Шақыру орнына жоғары дәрежелі өрт сөндіру бөлімдері жіберілген.
Посмотреть эту публикацию в Instagram
Сағат 03:51-де өрт оқшауланып, 05:00-де толығымен жойылған. Өрт аумағы 900 шаршы метрді құрады. Өрт сөндіру қызметі қызметкерлерінің жедел әрекетінің арқасында өрт базардың барлық аумағына (базардың жалпы ауданы 8 мың шаршы метрден астам) таралмады.
Өрттің шығу себебі анықталып жатыр. Өртті сөндіруге Алматы облысы Төтенше жағдайлар департаментінің 25 қызметкері және Алматы қаласы Төтенше жағдайлар департаментінің алты қызметкері 27 бірлік техникамен жұмылдырылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
