+7 (777) 001 44 99
Қазақша
Русский
English
Алматы облысында аудандық білім бөлімінің басшысы және 7 бухгалтер сотталды, - деп хабарлайды Tengrinews.kz тілшісі.
Іле аудандық соты аудандық білім бөлімінің басшысы Л.Каткееваға және осы бөлімнің 7 бухгалтеріне үкім шығарды.
"Олар білім беру саласында нақты жұмыс істемеген адамдарға жалақы аудару арқылы 686 млн теңге сомасында бюджет қаражатын жымқырғаны үшін кінәлі деп танылды. Сонымен қатар, лауазымдық өкілетін асыра пайдаланып, өзінің жүргізушісін ведомстволық бағынысты мектеп-гимназияға кәсіптік бағдар беруші лауазымына жұмысқа орналастырған, осылайша жалпы сомасы 4,9 млн теңге жалақы заңсыз төленген", - деп жазылған хабарламада.
Сот үкімі:
- Каткееваға мемлекеттік қызмет атқаруға өмір бойына тыйым салынды, ол 8 жылға бас бостандығынан айырылды.
- Бухгалтерлерге мемлекеттік қызметте 10 жыл қызмет атқаруға тыйым салынып, 7 жылдан 8 жылға дейін бас бостандығынан айыру жазасы тағайындалды.
Сот актісі заңды күшіне енген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
