+7 (777) 001 44 99
Қазақша
Русский
English
Қоғам белсендісі Сандуғаш Дүйсенова Алматы облысы әкімдігіне тиесілі қызметтік көліктің жалған нөмірмен жүргенін видеоға түсіріп, желіге жариялады. Ол құзырлы органдардан тексеріс жүргізуді сұрап жазба жариялады, - деп хабарлайды Tengrinews.kz тілшісі.
Талдықорған қаласында 702 YEZ 02 нөмірімен жүрген қызметтік көлік қоғам белсендісінің көзіне түсті. Белсендінің айтуынша, бұл көлікте жүргізушімен бірге мәслихат хатшысы да жүреді.
Посмотреть эту публикацию в Instagram
Кейін тағы бір видеода әлеуметтік белсенді көлікті арнайы тұраққа қалай апара жатқанын түсіріп алған. Ол полицейлер келген кезде көлікте тек облыстық мәслихат хатшысының жүргізушісі болғанын айтты.
Посмотреть эту публикацию в Instagram
Видеодағы мәліметке сүйенсек, қызметтік көлік еш жерде тіркелмеген 02 сериясымен жүрген.
"Біздің бұл нөмірге қатысымыз жоқ, мәслихат хатшысы осы уақытта жұмыс орнында болған. Жүргізуші штаты мен көлік Алматы облысы әкімдігінің шаруашылық басқармасының құзырында", - деп мәлімдеді облыстық мәслихаттың баспасөз қызметі.
Ал Алматы облысы әкімдігінің шаруашылық басқармасы керісінше, көліктің мәслихатқа берілгенін айтты.
"Бұл автокөлік 009 vv 05 нөмірімен Алматы облыстық мәслихатының басқаруына берілді. Аталған көлікті пайдалану бойынша толық материалдық-техникалық жауапкершілік Алматы облысы мәслихатының аппараты ММ-ге жүктеледі", - деді Алматы облысы әкімдігінің шаруашылық басқармасының бастығы.
Алматы облысының ПД бұл дерек бойынша тексеруді бастағанын хабарлады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
