+7 (777) 001 44 99
Қазақша
Русский
English
Қазақша
Русский
English
Алматының таулы аудандарында 19-20 қарашада болуы мүмкін қар көшкініне байланысты ескерту жарияланды, - деп хабарлайды Tengrinews.kz тілшісі қалалық ТЖД баспасөз қызметіне сілтеме жасап.
"Алматы қалалық Төтенше жағдайлар департаменті "Қазгидрометтің" ақпараты негізінде ескерту жариялайды! Алматы облысындағы таулы аудандарда күннің жылуына байланысты 2800 метрден төмен жерлерде 19-20 қараша күндері қар көшкіні болуы мүмкін", - деп жазылған хабарламада. Осыған байланысты Алматы тұрғындары, қонақтары мен туристерге таулы жерлерге бармауға және қауіпсіздік шараларын сақтауға кеңес берілді.
"Қар көшкініне байланысты қарлы қатпарлы жерлерге шықпауға кеңес береміз. Таулы жерлерде абай болыңыздар!", - деп хабарлады Алматы ТЖД.
"Қазгидромет" кәсіпорнының мәліметінше, 19-20 қарашада Алматы облысында жаңбырдың жауылуы күтіліп отыр. Күндіз ауа температурасы 10 градусқа дейін жылынады.
