+7 (777) 001 44 99
Қазақша
Русский
English
Алматы облысында шенеуніктер компьютерлер мен басқа да құрал-жабдықтарды екі есе қымбат бағаға сатып алмақ болған, - деп хабарлайды Tengrinews.kz тілшісі Алматы облысы бойынша сыбайлас жемқорлық мәліметіне сілтеме жасап.
Антикор мәліметінше, Алматы облысында шенеуніктер жалпы құны 20 миллион теңгеге жуық техниканы жоғары бағамен сатып алғысы келген. Бюджет қаражатын негізсіз жұмсаудың жолын өңірдің Сыбайлас жемқорлыққа қарсы қызметі кесті.
"Алматы облысының Цифрлық технологиялар басқармасы бір данасы үшін 497 265 теңге бағасымен 32 компьютер, бір данасы үшін 514 880 теңге бағасымен 3 ноутбук және бір данасы үшін 598 214 теңге бағасымен 4 моноблок сатып алуға конкурс жариялады", - делінген хабарламада.
Бұл ретте аталған тауарлардың орташа құнының мониторингі барысында бағалар тиісінше 102,78 пайыз, 77,54 пайыз және 60 пайызға жоғары болғаны анықталды.
Антикордың араласуынан кейін жоғарыда аталған мемлекеттік сатып алулар тоқтатылды және конкурс қайтадан өткізіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
