Алматы облысында тіркеуі жоқ тұрғындарға 12 миллион теңге айыппұл салынды

Мөлдір Қалықова

Биыл үш ай ішінде Алматы облысының 2013 тұрғыны тіркеуі болмағаны үшін әкімшілік жауапкершілікке тартылды. Бұл туралы Алматы облыстық ІІД Көші-қон басқармасының басшысы Елмұрат Нұрсейітов брифинг барысында айтты, - деп хабарлайды Tengrinews.kz тілшісі.

Биыл үш ай ішінде Алматы облысының 2013 тұрғыны тіркеуі болмағаны үшін әкімшілік жауапкершілікке тартылды. Бұл туралы Алматы облыстық ІІД Көші-қон басқармасының басшысы Елмұрат Нұрсейітов брифинг барысында айтты, - деп хабарлайды Tengrinews.kz тілшісі.

"2017 жылдың 3 айында тұрақты тұрғылықты жері бойынша 72 710 адам тіркелген, олардың 87-сі электрондық үкімет порталы арқылы тіркелген. Ал уақытша тұрғылықты жер бойынша 52 020 адам тіркелген, олардың 632-сі электрондық үкімет порталы арқылы тіркелген. ҚР Әкімшілік құқық бұзушылық туралы кодексінің 492-бабына сәйкес, 2013 адам әкімшілік жауапкершілікке тартылды. Олардың 585-і - 492-баптың 1-бөлігі бойынша, 1427-сі - 492-баптың 2-бөлігі бойынша, біреуі 492-баптың 3-бөлігі бойынша жауапкершілікке тартылды. Жалпы көлемі 12 031 076 теңге айыппұл салынды", - деді Нұрсейітов.

Сондай-ақ, 2016 жылы осы бап бойынша 1749 адамның жауапкершілікке тартылғаны айтылады. Ведомстводағылардың мәліметінше, бүгінде масс-медиа арқылы ақпараттық жұмыстар белсенді түрде жүргізіліп жатыр.

Құқық қорғау органдары Уақытша тіркеу Көші-қон Алматы облысы Айыппұл