+7 (777) 001 44 99
Қазақша
Русский
English
Алматы облысында автобус пен пойыз соқтығысқан төтенше жағдайды полиия тергеп жатыр, - деп хабарлайды Tengrinews.kz тілшісі Ішкі істер министрлігінің баспасөз қызметіне сілтеме жасап.
"Алматы облысы, Қарасай ауданындағы теміржол өткелінде сағат 19:30-да Алматы-Қостанай бағыты бойынша пойыз Сетра жолаушылар автобусымен соқтығысқан. Нәтижесінде оқиға орнында автобус жүргізушісі қаза тапты. Үш автобус жолаушысы және екі бала жақын маңдағы ауруханаға жеткізілді", - дейді ІІМ баспасөз қызметі.
Төтенше жағдай бойынша Қазақстан Республикасының Қылмыстық кодексінің 345-бабы 3-бөлімі бойынша сотқа дейінгі тергеу ісі басталды.
"Оқиға орнында полиция өкілдері жұмыс істеп жатыр. Қосымша ақпараттар кейінірек хабарланады", - делінген хабарламада.
Мұның алдында Индустрия және инфрақұрылымдық даму министрлігі оқиғаның мән-жайын айтқан еді.
Еске салайық, төтенше жағдай "Екатеринбург-Алматы" тасжолының 2449-шақырымында Шамалған станциясында 15 қыркүйекте сағат шамамен 19.20-да болған.
