Алматы облысындағы төтенше жағдайды прокуратура бақылауға алды

15 Қыркүйек, 22:39
0
Алматы облысындағы төтенше жағдайды прокуратура бақылауға алды -

Алматы облысында пойызбен болған төтенше жағдай бойынша істі Бас көлік прокуратурасы өз қолына алды, - деп хабарлайды Tengrinews.kz тілшісі. 

"Бүгін, 15 қыркүйекте Ақсеңгір-Шамалған теміржол өткелінде жолаушылар автобусы Алматы-Қостанай бағытындағы пойызбен соқтығысты. Алдын ала мәлімет бойынша, бір адам қаза тауып, төрт адам әртүрлі жарақат алған. Аталған дерек бойынша ҚР Қылмыстық кодексінің 344-бабы 2-бөлімі және 345-бабы 3-бөлімі бойынша сотқа дейінгі тергеу жұмыстары басталды. Жедел тергеу тобы құрылды. Істі Бас көлік прокуратурасы өз қолына алды", - деп хабарлайды мекеме өкілдері.  

Еске салайық, төтенше жағдай "Екатеринбург-Алматы" тасжолының 2449-шақырымында Шамалған станциясында 15 қыркүйекте сағат шамамен 19.20-да болған. Автобус жүргізушісі дабылға қарамастан теміржолға өтіп кеткен. Нәтижесінде автобус пойызбен соқтығысқан. Апат салдарынан автобус жүргізушісі қаза тауып, үш адам зардап шеккен. Төтенше жағдай бойынша сотқа дейінгі тергеу жүргізіліп жатыр. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай