+7 (777) 001 44 99
Қазақша
Русский
English
Алматы орталығында заңсыз салынған құрылыс сүрілді. Қала тұрғыны нысанды ешқандай рұқсатсыз, өз қалауымен тұрғызған. Бұл туралы Қалалық сәулет-құрылыс бақылау басқармасы мәлім етті, - деп хабарлайды Tengrinews.kz тілшісі.
Нысан Радостовец көшесінде орналасқан. Басқарма нысан инженерлік коммуникацияларда тұрғызылғанын хабарлады.
"Құрылыс көптеген нормаға сай келмейді. Сот талқылаулары барысында біздің талап арыздарымыз қанағаттандырылды. Нақты шешім шықаннан кейін нысанды бұзуға кірістік", - деді басқарма қызметкерлері.
Сондай-ақ, ведомстводағылар меншік иесін ҚР Әкімшілік құқық бұзушылық туралы кодексінің 316-бабы 1-бөлігі, 321-бабы, 323-бабы және 463-бабының 1-бөлігі бойынша әкімшілік жауапқа тартқанын атап өтті.
Айта кетейік, бұған дейін Қарасай батыр мен Әйтиев көшелерінің қиылысындағы көлік жуу орны мен бірнеше коммерциялық үй-жайларды бұзу туралы хабарланған болатын.
Сондай-ақ, Алматыда Достық даңғылында орналасқан "Жан Плов Лагман" кафесі бұзылған. Ауданы 1000 шаршы метрден асатын заңсыз құрылыс сүріліп тасталған еді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
