+7 (777) 001 44 99
Қазақша
Русский
English
Алматыда жалға берілетін электросамокаттардың қозғалысын шектейтін аймақтар анықталды, - деп хабарлайды Tengrinews.kz тілшісі. Бұл туралы қала әкімдігінің баспасөз қызметі мәлімдеді.
Барлық жол қозғалысына қатысушылардың қауіпсіздігін және қоғамдық орындар аумағында азаматтардың еркін жүруін қамтамасыз ету мақсатында, Алматы қаласының әкімдігі кикшерингтік компаниялармен бірлесе отырып, жалға берілетін электросамокаттардың қозғалыс алаңдарына шектеулер енгізді.
"Южный", 28 панфиловшылар паркі, "Тұңғыш Президент саябақтарында микромобильді көліктердің жүруіне тыйым салынды. ҚБТУ алдында, "Ботаникалық бақта". Арбат жаяу жүргіншілер аймағында (Жібек жолы даңғылының бойымен Назарбаев даңғылынан Абылай хан даңғылына дейін) және Терренкур жолында. Панфилов көшесінің бойындағы жаяу жүргіншілер аумағына және Желтоқсан мен Чайковский көшелерінің арасындағы Мақатаев көшесінің бойындағы қоғамдық саябақта шектеулер енгізілді", - деді Алматы әкімдігі.
Бұл ретте аталған аумақтардың барлығында, сондай-ақ Төлебаев көшесінің бойында электрсамокаттарды қоюға тыйым салынады.
Шектеулер электросамокаттарды жалға беру қызметтерін ұсынатын компаниялардың қосымшаларында көрсетіледі.
"Пайдаланушылардан ережелерді сақтауды, адамдар көп жиналатын жерлерде жоғары жылдамдықпен жүрмеуді және электросамокаттарды рұқсат етілмеген жерге қоймауды сұраймыз", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
