+7 (777) 001 44 99
Қазақша
Русский
English
"Алматы Су" бас директорының орынбасары және Қызылорда облысының кәсіпкерлік басқармасының басшысы ұсталды, - деп хабарлайды Tengrinews.kz тілшісі Антикор мәліметіне сілеме жасап.
Алматы бойынша департамент "Алматы Су" ШЖҚ МКК бас директорының орынбасарын әшкереледі.
"Ол жергілікті кәсіпкерден орындалған жұмыстардың актілеріне қол қойғаны және жасалған мемлекеттік сатып алу шарттары бойынша ақшалай қаражат төлегені үшін 345 миллион теңге көлеміндегі бұрын келісілген сомадан 75 миллион теңге алған.
Қызылорда облысы бойынша Сыбайлас жемқорлыққа қарсы қызмет облыстық кәсіпкерлік және өнеркәсіп басқармасының басшысын жалпы қамқорлығы мен келісімшартты ұзартуға және жер қойнауын өндіру көлемін ұлғайту рұқсатына қол қойғаны үшін айтарлықтай мөлшерде пара алды деген күдік бойынша ұстады", - делінген хабарламада.
Күдіктілерге қатысты соттың санкциясы бойынша, "қамауда ұстау" түріндегі бұлтартпау шарасы қолданылған. Аталған істер бойынша тергеу жалғасып жатыр. Қылмыстық-процестік кодексінің 201-бабына сәйкес өзге ақпарат жарияланбайды.
Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
