+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы тұрғындары бірнеше шақырымға созылған көлік кептелесіне шағымданды, деп хабарлайды Tengrinews.kz тілшісі.
Алматы тұрғындары бірнеше шақырымға созылған көлік кептелесіне шағымданды, деп хабарлайды Tengrinews.kz тілшісі.
Алматы облысы мен қаланың шекарасындағы бекетте бірнеше шақырымға созылған көлік кептелісі пайда болған.
Алматы тұрғыны Маргарита Говорухинаның айтуынша, ол отбасымен бірге Алматы облысында орналасқан саяжайына барған. Ол қалаға кіре алмай тұрғанына ашулы. Көлік кептелісіне тұрғанына 6 сағат болыпты.
"Жексенбіде кешке саяжайдан қалаға аттандық. Саяжайымыз қаладан алыс емес. Көлік кептелісінде 2 сағат тұрған соң "саяжайда қонамыз" деп шешім қабылдадық. Таңғы 5-те жолға шықтық. Себебі, маған жұмысқа бару керек еді. 2 сағатта қалаға жетеміз деп ойладық. Бірақ қазір сағат 10:15, әлі көлік кептелесінде тұрмыз. Мұнда тұрғанымызға 6 сағат болды", - дейді тұрғын.
Ол шыдамы таусылған соң, бекетке жаяу барғанын айтады.
"Мен көліктен шығып, бекетке жаяу бардым. Күйеуім көлікте қалды. Оның кептелісте қанша сағат тұратынын білмеймін. Балаларды әпкесі және ағасымен бірге саяжайда қалдырдық. Олардың үйге қалай жететініне уайымдап тұрмын", - дейді Маргарита Говорухина.
Қалаға кіреберістегі жолдан көлік кептелісін жиі көруге болады.
