+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда дәрігерлер қытайлық Sinopharm вакцинасы қала тұрғындары үшін қашан қолжетімді болатынын айтты, - деп хабарлайды Tengrinews.kz тілшісі.
Алматыда дәрігерлер қытайлық Sinopharm вакцинасы қала тұрғындары үшін қашан қолжетімді болатынын айтты, - деп хабарлайды Tengrinews.kz тілшісі.
Қалалық қоғамдық денсаулық басқармасы мәліметінше, жақында Қазақстанға Sinopharm Қытай фармацевтикалық кешені өндіретін Vero Cell вакцинасы жеткізілген. Препарат Пекиннен Алматыға жеткізілді.
"Қазіргі уақытта Vero Cell вакцинасы "СҚ-Фармация" қоймасында. Вакцина Алматы қаласы Қоғамдық денсаулық басқармасының қоймасына әлі түскен жоқ. Вакцина емханаларға түскен бойда, халыққа ақпарат беріледі. Тамыздың ортасында препаратпен вакциналау басталады деп күтіледі", - деді ведомство баспасөз қызметіндегілер.
Бұған дейін Алматыға Sinopharm компаниясынан бір миллион доза мөлшерінде қытайлық Vero Cell вакцинасының бірінші партиясы келгені хабарланған болатын. Қазақстан осы вакцинаның төрт миллион дозасын сатып алды.
Sinopharm Қытай вакцинасы биыл 7 мамырында Дүниежүзілік денсаулық сақтау ұйымымен мақұлданған. Шілдеде ол COVAX вакциналар банкіне кірді. Вакцина инактивті, екі дозалы. Сақтау мерзімі - 24 ай.
"Бұл ДДСҰ қауіпсіз және тиімді деп бағалаған алғашқы Қытай препараты. 45 елде ересектерге салуға рұқсат етілген. Бүгінде вакцинаны Қытайдан басқа, БАӘ мен Сербияда өндіреді. Сонымен қатар, Қытай мен БАӘ Қытайдың Sinopharm фармакологиялық компаниясының үш жастан 17 жасқа дейінгі балаларға арналған инактивтендірілген вакцинасын шұғыл қолдануды мақұлдады", - деп қосты компания өкілі.
Бұған дейін Қазақстанда қытайлық Sinopharm вакцинасы жаппай егілетіні хабарланған болатын. Сәуірдің соңында Қазақстан БАӘ-де Hayat-Vax сауда атауымен шығарылған Пекин биологиялық өнімдер институтынан Sinopharm препаратының миллион дозасын сатып алып үлгерді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
