+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда 25 мамырдан бастап аумағы 500 шаршы метрден асатын сауда нысандары, қонақүйлер (хостелдерді қоспағанда), қоғамдық тамақтандыру нысандары жұмысын бастайды, - деп хабарлайды Tengrinews.kz тілшісі қалалық әкімдіктің баспасөз қызметіне сілтеме жасап.
Алматыда 25 мамырдан бастап аумағы 500 шаршы метрден асатын сауда нысандары, қонақүйлер (хостелдерді қоспағанда), қоғамдық тамақтандыру нысандары жұмысын бастайды, - деп хабарлайды Tengrinews.kz тілшісі қалалық әкімдіктің баспасөз қызметіне сілтеме жасап.
Әкімдіктегілердің мәліметінше, 25 мамырдан бастап алаңы 500 шаршы метрден асатын 138 сауда нысанының жұмысына қойылған шектеулерді алу жоспарланып отыр.
Жекелей алғанда, СҮ, СО, СОО аумағында орналасқан азық-түліктік емес бутиктер, сән салондары, химиялық тазалау және мейрамханалар жұмыстарын бастайды.
Сауда нысандарының жұмыстарына сағат 23:00-ге дейін рұқсат берілетін болады.
СҮ, СО және СОО аумағында орналасқан фуд-корттарды ашу келесі 2-кезең шеңберіне, СПА, фитнес-орталықтарын және ойын-сауық нысандарын ашу 3-кезең шеңберіне жоспарланып отыр. Олардың ашылу күні қаладағы эпидемиологиялық жағдайға байланысты болады және қосымша хабарланады дейді.
"Қоғамдық тамақтандыру нысандарына келетін болсақ, 25 мамырдан бастап, қоғамдық тамақтандыру нысандарының жазғы алаңдарын қоса алғанда, жалпы саны шамамен 27 мың адамды құрайтын 3100 кәсіпорын жұмысын бастайды. Олардың жұмысының негізгі шарты көрші столдағы отырған келушілердің арақашықтығы кемінде 2 метр болуын қамтамасыз ету және 1 столға 4 адамнан, бір отбасының мүшелерін айтпағанда, отырғызу болып табылады. Қоғамдық тамақтандыру нысандарының жұмысы сағат 23:00-ге дейін рұқсат етіледі", - делінген хабарламада.
Бірінші кезеңде банкеттер мен салтанатты тойлар өткізуге тыйым салынады дейді.
Сондай-ақ, аталған кезеңде қоғамдық тамақтандыру нысандарының аумағында жұмыс істейтін караоке, бильярд және көңіл көтеретін мекемелердің жұмыстарына тыйым салынады. Кальян жұмысына карантиннің бүкіл кезеңінде тыйым салынады дейді әкімдіктегілер.
Қазақстан жаңалықтары. Соңғы жаңалықтар. Telegram желісінде бізге жазыл!
