+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Төтенше жағдай кезінде адамдарды блокбекеттен өткізген Жетісу ауданы әкімдігінің қызметкерлері сотталды, - деп хабарлайды Tengrinews.kz Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.
Төтенше жағдай кезінде адамдарды блокбекеттен өткізген Жетісу ауданы әкімдігінің қызметкерлері сотталды, - деп хабарлайды Tengrinews.kz Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.
Агенттіктің хабарлауынша, сот оларға өмір бойы мемлекеттік қызметте лауазым атқаруға тыйым салған.
"2020 жылғы 14 мамырда Алматы қаласының Жетісу ауданының № 2 аудандық соты Жетісу ауданы әкімі аппаратының бас мамандары К.Е. Әденов пен С.С. Оразовқа қатысты айыптау үкімін шығарды.
К.Е. Әденов пен С.С. Оразов бірнеше рет пара алғаны үшін кінәлі деп танылып, оларға тиісінше 4 077 500 теңге және 13 300 000 теңге айыппұл салынды", - делінген ведомствоның хабарламасында.
Сонымен қатар, осы үкіммен азамат В.И. Уджур пара алу кезінде делдалдық жасағаны үшін кінәлі деп танылып, оған 2 430 000 теңге көлемінде айыппұл салынған.
Бұған дейін хабарланғандай, аталған лауазымды тұлғалар төтенше жағдайда және COVID-19 коронавирус инфекциясының еліміздің басқа аймақтарында таралуын болдырмау мақсатында Алматы қаласының аумағына кіруге және шығуға тыйым салу туралы карантиндік режимде Жетісу ауданындағы блокбекетте кезекшілік атқару барысында блокбекеттен кедергісіз өту үшін Алматы қаласының тұрғындарынан делдал арқылы бірнеше рет пара алған.
Қазақстан жаңалықтары. Соңғы жаңалықтар. Telegram желісінде бізге жазыл!
