Алматыда АН-26 апатынан кейін рейстер кешіктіріліп жатыр

АН-26 ұшағы апатынан кейін Алматы әуежайындағы рейстер кешіктіріліп жатыр, - деп хабарлайды Tengrinews.kz тілшісі.

Кестеге сәйкес, Алматыдан Ақтау, Нұр-Сұлтан, Көкшетау және Оралға ұшатын рейстер кешіктіріліп жатыр. 

"Болған жайтқа байланысты рейстер кішкене кешіктіріліп жатыр. Жолаушыларға әуекомпаниялардан рейстері туралы ақпаратты алдын-ала нақтылау ұсынылады", - деді әуежайдың баспасөз қызметінің өкілдері. 

Еске салайық, бұған дейін Алматыда ұшақ құлағаны хабарланған болатын.

Алматы қалалық қоғамдық денсаулық сақтау басқармасының баспасөз қызметі ұшақ бортында болған төрт адам қаза тапқанын, екеуі зардап шеккенін мәлімдеді. Зардап шеккен екі адам да жансақтау бөлімінде. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!