+7 (777) 001 44 99
Қазақша
Русский
English
17 шілде 2020 | 11:46
Алматыда аптап болады: ескерту жарияланды
Алматыда аптапқа байланысты ескерту жарияланды. Бұл туралы "Қазгидромет" мәлімдеді, - деп хабарлайды Tengrinews.kz тілшісі.
ПОДЕЛИТЬСЯ
Алматыда аптапқа байланысты ескерту жарияланды. Бұл туралы "Қазгидромет" мәлімдеді, - деп хабарлайды Tengrinews.kz тілшісі.
"17 шілдеде күндіз Алматыда 33-35 градус ыстық болады. Дауыл ықтималдылығы - 90-95 пайыз", - делінген хабарламада.
Осыған байланысты Алматы қаласының Төтенше жағдайлар департаменті қауіпсіздік бойынша келесі негізгі шараларды орындауды ұсынады:
- Күн сәулесі түсетін жерде мүмкіндігінше аз болуға тырысыңыз. Есіңізде болсын, 12:00-ден 16:00-ге дейін күн сәулесі өте белсенді. Дененің барлық бөлігін күннің тікелей сәулесінен қорғаған жөн - жабық киім киіп, күнге қарсы крем қолданыңыз;
- Алкоголь ішпеңіз, ыстықта оның ағзаға әсері бірнеше есе артады, сонымен қатар организм жоғары температураға сезімтал болады;
- Мүмкіндігінше сұйықтық (салқындатылған су, минералды су) жиі ішіңіз;
- Физикалық жүктемелерді азайтыңыз. Аптап кезінде жүктемелер жылу алмасуды арттырады, бұл дененің сусыздануына әкелуі мүмкін;
- Мүмкіндігінше, автомобильмен ұзақ жүрмеу керек, егер бұл мүмкін болмаса, жолда абай болыңыз, өйткені ыстық кезінде денсаулығыңыз нашарлап, көңіліңіз бөлініп, реакция азаяды;
- Балаларды көлікте аз уақытқа болса да қалдырмаңыз. Аптап жағдайында бала есінен тануы мүмкін;
- Егер төтенше жағдайға тап болсаңыз және өміріңізге қауіп төніп тұрса, 112, 101 жедел телефон нөміріне қоңырау шалыңыз (ақысыз).
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
