14 шілде 2023 | 09:06

Алматыда аптап қашан басылады? Синоптиктер болжамы

Дина Шарипханова Корреспондент

Фото ©️ Tengrinews.kz / Әлихан Сариев

Синоптиктер Алматыда аптап қашан басылатынын айтты, - деп хабарлайды Tengrinews.kz тілшісі.

Қазгидромет мәліметінше, алдағы тәуліктерде республиканың оңтүстігінде, оңтүстік-шығысында және оңтүстік-батысында антициклон ықпалы жауын-шашынсыз ауа райын сақтайды.

"Бүкіл кезеңде шығыста, 13 шілдеде оңтүстікте, 13-14 шілдеде Қазақстанның солтүстік-шығысында, оңтүстік-шығысында және орталығында аптап 45 градусқа дейін сақталады. Республика аумағында төтенше өрт қаупі сақталады. Күндізгі ауа температурасы оңтүстікте және оңтүстікте–шығыста +30...+37 градусқа дейін ыстық болады", - деді синоптиктер.

Алматыда 10-20 шілде аралығында жауын-шашын күтілмейтіні, аптап сақталатыны айтылды.

"Алматыда осы аптаның аяғына дейін аптап болады. Сондай-ақ, 10-20 шілде аралығында облыста ауа температурасының ауытқуы болжанады:

түнде +17...+22 градустан +12...+17 градусқа дейін;

күндіз +35…+40 градустан +30…+35 градусқа дейін.

Ал таулы аймақтарда:

түнде +12 градустан +7 градусқа дейін;

күндіз +28 градустан +25 градусқа дейін", - дейді мамандар.

Қазгидромет 20-30 шілде аралығында ауа температурасының төмендеуі күтілетінін атап өтті:

түнде +10…+15 градусқа дейін;
күндіз +27…+35 градусқа дейін.

"Одан кейін ауа температурасы көтеріледі деп күтілуде:

түнде +18…+23 градусқа дейін;

күндіз +35 ... +40 градусқа дейін.

Шілденің аяғында ауа температурасы төмендейді деп күтіледі:

түнде +12...+17 градусқа дейін;

күндіз + 25 ... + 30 градусқа дейін.

Ал таулы аймақтарда:

түнде +5 градусқа дейін;
күндіз +20 градусқа дейін жетеді", - деп қосты синоптиктер.

Олар шілде ішінде жауын-шашын мөлшері нормаға жақын болатынын атап өтті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Болжам Ауа райы