+7 (777) 001 44 99
Қазақша
Русский
English
Алматыда белгісіз біреулер арыстанның күшігін 3,5 миллион теңгеге сатылымға шығарды, - деп хабарлайды Tengrinews.kz тілшісі.
Нұр-Сұлтан тұрғыны әлеуметтік желіде жануардың сатылып жатқаны туралы жазды. Оның айтуынша, көршілердің WhatsApp чатындағылардың бірі арыстанның күшігі сатылатындығы туралы хабарландыру жіберген. Жазба авторы сатушылардың мұндай әрекетіне ашуланып, жануарларды қорғаушыларды жағдайды түсіндіруге шақырды. Ол Қазақстанда арыстанның күшігін сату қаншалықты заңды екенін білгісі келеді.
Tengrinews.kz редакциясы хабарландыруда көрсетілген нөмірлерге хабарласты. Қоңырауға жауап берген азамат өзін арыстан күшігін сатушылардың жақын танысымын деп таныстырды. Жануардың екі айлық екенін, Алматыда екенін, сатуға барлық рұқсат құжаттары бар екенін айтты. Қожайындары күшікті нақты аламын деушілерге 2,5 миллион теңгеге беруге дайын.
Алматы хайуанаттар бағы Tengrinews.kz сайтына Қазақстанда арыстанның күшігін сатуға болады деп жауап берді. Бұл үшін Орман шаруашылығы және жануарлар дүниесі инспекциясынан Қазақстанның "Қызыл кітабына" кіретін жануарларды ұстауға рұқсат алу қажет. Сондай-ақ, сатушымен бірге СИТЕС қосымшасы (халықаралық келісім, яғни жойылып кету қаупі төнген жабайы фауна мен флора түрлерінің халықаралық саудасы туралы конвенция) болуы керек.
"Сатушыда халықаралық СИТЕС қосымшасы, сондай-ақ ветеринариялық сертификат болуы қажет. Егер бұл құжаттар болмаса, онда арыстан ұстаушылар қылмыстық жауапкершілікке тартылады. Қандай жаза болатынын сот шешеді", - деді хайуанаттар бағының өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
