Алматыда әйелге жасалған шабуыл видеоға түсіп қалды

видео кадры

Алматыда әлеуметтік желі қолданушыларының ашуын тудырған оқиға болды. Желіде тарап жатқан видеода ер адамның тұрғын үй кешенінің бірінің кіреберісінде қызға шабуыл жасаған сәті түсірілген, - деп хабарлайды Tengrinews.kz тілшісі.

Алматыда әлеуметтік желі қолданушыларының ашуын тудырған оқиға болды. Желіде тарап жатқан видеода ер адамның тұрғын үй кешенінің бірінің кіреберісінде қызға шабуыл жасаған сәті түсірілген, - деп хабарлайды Tengrinews.kz тілшісі.

Оқиға 6 қарашада сағат 23:30 шамасында Алматының тұрғын үй кешендерінің бірінде болған. Ол бейнебақылау камерасына түсіп қалған. Кадрларда кіреберісте тұрған ер адамның сырттан кірген қыздың артынан еріп, күтпеген жерден шабуыл жасағанын көруге болады. Ол қызды құлатып, баспалдақтан төмен қарай сыртқы есіке дейін жармасып барады. Шабуыл кезінде қыз барынша ер адамның қолынан сытылып шығуға тырысады және соңында қашып құтылады.

Алматының құқық қорғау органдары оқиға дерегін растап, тергеуді бастады. Полиция департаменті шабуыл жасаған адамның ұсталып, қамауға алынғанын хабарлады.

"Бұл факт бойынша Алатау аудандық полиция басқармасы қылмыстық іс қозғады. Тергеу аяқталғаннан кейін қылмыстық іс материалдары сотқа жіберіледі", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Алматы шабуыл