31 мамыр 2020 | 10:47

Алматыда блокбекеттер түнде алынады

Сурет: Instagram / @sagintayev.b

Алматы әкімі Бақытжан Сағынтаев қалада блокбекеттер 1 маусымға қараған түні алынатынын мәлімдеді, - деп хабарлайды Tengrinews.kz тілшісі.

Алматы әкімі Бақытжан Сағынтаев қалада блокбекеттер 1 маусымға қараған түні алынатынын мәлімдеді, - деп хабарлайды Tengrinews.kz тілшісі.

"1 маусымға қараған түні қаланың периметрі бойынша орналасқан блок-бекеттерді аламыз. ТЖ режимі кезінде бұл бекеттер қаладан шығу және қалаға кіруді шектеді. Бұл - коронавирустың таралуын тоқтату үшін қажет болды", - деп жазды Сағынтаев Instagram-дағы парақшасында.

Әкім барлық полиция, санитарлық қызмет, фито және ветбақылау қызметкерлеріне, аудандық әкімдіктер мен Ұлттық гвардия, Қорғаныс министрлігінің әскери қызметшілеріне алғысын білдірді. "Осы 2,5 айдың ішінде Сіздер тәулік бойы қызмет етіп, жүктелген міндетті абыроймен атқардыңыздар", - деді Бақытжан Сағынтаев .

Айткынша, елдегі және қаладағы жағдайдың тұрақтануы, шектеулерді алуға мүмкіндік берді.

"Бұл ретте барлық кәсіпорындар мен ұйымдарда санитарлық қауіпсіздік күшейтіліп, қауіпсіздікке басымдық берілді. Үйлерге, аула алаңдары мен көшелерді залалсыздандыру жүргізілуде. Белгіленген тәртіпке бағынып, сангигиена мен әлеуметтік қашықтықты сақтап, қорғаныс бетперделерін киіп жүруге шақырамын. Бұл қазіргі өмірдің қалыпты нормасына айналуы тиіс. Өзіңізді және жақындарыңызды қорғаңыз!", - деді Алматы әкімі.